Kalvarin e dëshmitarëve të mbrojtjes së ish krerëve të UÇK-së, e nisën dy amerikanë.
Deklaratat e ndihmës sekretarit amerikan të shtertit, James Rubin dhe e ekspertit ligjor Paul Ëilli2am, bënë jehonë të madhe në masë për përmbajtjen dhe ndriçimin e ngjarjeve vendimtare gjatë luftës në Kosovë.
Organizata e Veteranëve të Luftës së UÇK-së, për fuqinë e këtyre deklaratave, pati edhe një krahasim.
“Me ato çka i thanë, rrënuan atë ndërtimin e aktakuzës artificiale që u bë ndaj bashkëluftëtarëve tanë kinse për ndërmarrje të përbashkët kriminale. Kjo ka qenë tepër e rëndësishme për ne. Nëse flasim në zhargonin e luftëtarit, kjo ka qenë sikur Amerika atëherë kur udhëheqke me NATO-n, që udhëheq edhe sot, në kohën kur i filloi bombardimet”, thotë Gazmend Syla nënkryetar i OVL-UÇK-së
Dëshmitë e dy amerikanëve para trupit gjykues, vlerësohet se shpjegojnë mënyrën e organizimit të UÇK-së, e cila është krejt ndryshe nga ajo se çfarë thuhet në aktakuzën e prokurorisë.
“Faktet që i kanë ofru dy dëshmitarët e mbrojtjes që kanë qenë James Rubin dhe Paul Ëilliams, janë fakte të pamohueshme se Ushtria Çlirimtare e Kosovës ka qenë një ushtri e krijuar nga populli i Kosovës dhe që nuk ka pasur një strukturë komanduese të rregullt, nuk ka pasur një zingjir të rregullt komandues dhe nuk ka pasur një vijë raportimi. Ndërsa, vlerësimi dhe besueshmëria i mbetet në fund trupit gjykues të bëjë vlerësimin e provave dhe të jep peshën e duhur secili dëshmitarë, qoftë të prokurorisë apo të mbrojtjes”, ka thënë Blendina Veliqi nga IKD
Javën e ardhshme në Hagë do të dëgjohen edhe dëshmitarët e tjerë të mbrojtjes.
