Çfarë do të thotë vendimi i Kushtetueses sipas Cakollit

Gjykata Kushtetuese ka vendosur masë të parakohshme ndaj seancave të Kuvendit, nga 27 korriku.

Këtë vendim e ka komentuar edhe Eugen Cakolli nga KDI.

Ai ka thënë se sipas vendimit Kuvendit do t’i konsumojë ditët e mbetura të afatit 30 ditor, por nuk do të mund të marrë asnjë vendim tjetër deri më 8 gusht.

“Gjykata Kushtetuese ka vendosur, sipas detyrës zyrtare, masë të përkohshme ndaj seancave të Kuvendit, që nga e diela (27 korrik) deri më 8 gusht. Pra, Kuvendi do t’i konsumojë ditët e mbetura të afatit 30 ditor, por nuk do të mund të marrë asnjë vendim tjetër deri më 8 gusht. Kjo masë ndërlidhet me kërkesat e parashtruara nga PDK dhe LDK”, ka shkruar Cakolli.