Klubi i Futbollit Celtic ka raportuar një përmirësim të ndjeshëm financiar, me fitimin pas taksave që është më shumë se i dyfishuar, duke arritur 33.9 milionë paund për vitin që përfundoi në qershor 2025, nga 13.4 milionë paund vitin e kaluar.
Kjo rritje i atribuohet kryesisht të ardhurave më të larta nga Liga e Kampionëve dhe fitimeve të mëdha nga shitjet e lojtarëve, përfshirë transferimet e Matt O’Riley dhe Kyogo Furuhashi përkatësisht për 25 milionë dhe 10 milionë paund. Të ardhurat u rritën me mbi 15%, duke tejkaluar 143 milionë paund, falë të ardhurave më të larta nga ndeshjet dhe të drejtat e UEFA-s.
Megjithëse klubi reinvestoi shumë në skuadër, shpenzoi 42.6 milionë paund për lojtarë të rinj si Arne Engels, Adam Idah dhe Auston Trusty, kurse pjesa e mbetur e parave ishte te 77.3 milionë paund.
Megjithatë, pakënaqësia e tifozëve mbetet e lartë, ku grupe të shumta mbështetësish kritikuan bordin për aktivitetin e fundit në merkato dhe eliminimin nga Liga e Kampionëve.
Pas eliminimit të papritur të Celtic nga Liga e Kampionëve nga Kairat Almaty, presidenti i Celtic, Peter Lawwell, ka pranuar publikisht përgjegjësinë për mos-përgatitjen e duhur të skuadrës.
Trajneri Brendan Rodgers kishte theksuar më parë nevojën për përforcime në skuadër para ndeshjes vendimtare, por Celtic hyri në këtë ndeshje pa zëvendësues kyç, veçanërisht për Nicolas Kuhn dhe Kyogo Furuhashi. Celtic u eliminua në penallti dhe vetëm pas humbjes përfunduan transferimet, përfshirë Michel-Ange Balikwisha, Sebastian Tounekti dhe Marcelo Saracchi.
Në një deklaratë lidhur me publikimin e raportit vjetor financiar, Lawwell theksoi nevojën për të përmirësuar kohën e investimeve për lojtarë. Megjithë shpenzimet rekord në transferime dhe paga, Celtic nuk arriti të përmbushë të gjitha objektivat e tyre në afatin kalimtar veror, duke nxitur kritika nga Rodgers dhe tifozët.
Raporti gjithashtu evidentoi suksesin financiar të ndjeshëm, me fitimin i cili pas taksave shkoi në 33.9 milionë paund, e që ishte më shumë se dyfish nga viti i kaluar.
Presidenti Lawwell siguroi tifozët se klubi ndan ambiciet dhe frustrimet e tyre, duke premtuar të përmirësojë strategjinë dhe qasjen me urgjenc, e që do të reflektohej gjatë ndeshjeve në Europa League kundër klubeve të forta evropiane, përfshirë AS Roma dhe Feyenoord.
Një grup i ri tifozësh i quajtur “Celtic Fans Collective” është formuar si përgjigje ndaj pakënaqësisë në rritje të tifozëve të Celtic, transmeton Klankosova.tv.
Grupe të shumta tifozësh fillimisht nënshkruan një letër të hapur duke kërkuar përgjigje nga bordi I klubit lidhur me aktivitetin e dobët në merkato. U mbajt një takim me mbi 200 pjesëmarrës. Klubi u përgjigj me një deklaratë prej 1,000 fjalësh duke fajësuar faktorë të jashtëm si mediat dhe rregullat e UEFA-s, gjë që vetëm sa intensifikoi pakënaqësinë e tifozëve. Më pas, gjatë ndeshjes së parë të kampionatit pas pushimit ndërkombëtar, tifozët organizuan një protestë simbolike duke hyrë 12 minuta vonë në stadium.
“Celtic Fans Collective”, i përbërë nga 23 organizata tifozësh, përfshirë Celtic Supporters Association dhe Association of Irish Celtic Supporters Clubs, synon të kërkojë largimin e kryetarit Peter Lawwell, CEO Michael Nicholson dhe CFO Chris McKay. Misioni i tyre fokusohet në transparencë të klubit, përgjegjësi dhe përshtatjen e qeverisjes me vlerat e tifozëve.
Pakënaqësia u rrit më tej kur raporti financiar i Celtic zbuloi një fitim rekord prej 34 milionë paund pas taksave dhe rezervat e parave prej 77 milionë paund, duke qenë në kundërshtim të fortë me perceptimin e mungesës së ambicies në aktivitetin e transferimeve.
Celtic e nis aventurën në Europa League për sezonin 2025/26 kundër Crvena Zvezdës në Beograd, të mërkurën më 24 shtator nga ora 21:00.
