Ish-kandidati për kryetar të Prishtinës, Lirak Çelaj, në një intervistë në FRONTAL të T7, ka pasur fjalë të mira për kryetarin e Prishtiëns, Perparim Rama, shkruan Express.
Ai ka thënë se Rama në dy vitet e fundit ka rritur intensitetin e punës në kryeqytet, duke përfunduar projekte që për vite kishin mbetur pa u kryer.
“Përparimi e ka rritë intensitetin e interesimit në dy vitet e fundit”, ka thënë Çelaj, raporton Express. Sipas tij, edhe numri i qenve endacakë është zvogëluar dukshëm në kryeqytet.
Mes tjerash, Çelaj ka thënë se Rama në dy vitet e fundit ka bërë më shumë punë sesa Shpend Ahmeti që kishte punuar për tetë vite.
“Mendoj që e ka përmirësua punën, ka tregu që ia ka marrë dorën kësaj pune dhe po e con përpara. Nëse e krahasojmë sa është punu dy vitet e fundit, Shpend Ahmeti për tetë vite s’ka punu”, ka deklaruar ai.
