Reperi i njohur Capital T dhe modelja Adrola Dushi po vazhdojnë të tërheqin vëmendjen me postimet e tyre në rrjetet sociale, duke nxitur gjithnjë e më shumë spekulime mbi marrëdhënien e tyre.
Prej kohësh, dyshja ndodhet jashtë vendit duke shijuar pushimet, dhe imazhet atraktive që ndajnë me ndjekësit po bëhen temë diskutimi mes fansave.
Publikimet e tyre të ngjashme kanë ngjallur dyshime të reja, ndërsa së fundmi ishte Adrola ajo që vendosi “vulën” në këto spekulime.
Modelja shpërndau dy fotografi identike me ato të Capos, duke i bërë ndjekësit të besojnë se dyshja po kalon një periudhë të lumtur së bashku.
Edhe pse asnjëri prej tyre nuk ka konfirmuar asgjë publikisht, postimet e tyre vazhdojnë të mbajnë fansat në pritje të një deklarate zyrtare.
Ndërkohë, dyshja kanë ngacmuar edhe njëri-tjetrin me komente, pasi ka qenë reperi i hitit “Karma”, ai i cili i ka komentuar Adrolës: “Pse po kopjon”, duke përforcuar kështu aludimet se janë bashkë me pushime.
A janë ata një çift? Apo bëhet fjalë vetëm për një miqësi të ngushtë? Pavarësisht gjithçkaje, një gjë është e sigurt – Capital T dhe Adrola Dushi po shijojnë momentet e tyre më të mira, kudo që ndodhen.
