Drake dhe Camila Cabello mendohet se po nisin një romancë së bashku ose janë duke sjell një bashkëpunim pasi dyshja është parë nën shoqërinë e njëri-tjetrit në Karaibe.
Një video që ka nisur menjëherë të qarkullojë në rrjetet sociale, tregon reperin 37-vjecar dhe këngëtaren 26-vjecare teksa janë duke shijuar shoqërine e njëri-tjetrit, duke biseduar dhe qeshur së bashku.
Këngëtarja e hitit “Havana” është parë e veshur mr një kostum banjo ngjyrë të zezë, ndërkohë Drake, i veshur me pantallona të shkurtra të kuqe dhe një bluzë blu.
Një burim i brendshëm ka raportuar se reperi ishte shumë i fiksuar ndaj Camila.
“Ajo ishte me një shoqe dhe ai ishte duke i kushtuar shumë vëmendje Camila-s“, ka thënë burimi.
Në një tjetër foto të publikuar online, Drake dhe Camila shihet teksa drejtojnë motorrat e ujit dhe shijojnë detin që shkëlqen.
Deri tani ende nuk ka një reagim nga ana e Drake apo Camila në lidhje me këto thashetheme që kanë pushtuar kryeartikujt e mediave rozë.
Kujtojmë që Camila dhe ish i dashuri i saj për një kohë të gjatë, Shawn Mendes, i dhanë fund marrëdhënies së tyre gjatë kësaj vere, pas një ribashkimi të shkurtër në Coachella.
