Ministri i Punëve të Jashtme të Britanisë së Madhe, David Cameron po qëndron për vizitë në Kosovë.

Gjatë një konference për media së bashku me homologen e saj nga Kosova, Donika Gërvalla ai u shpreh se është këtu për të treguar se Britania do ta ndihmojë Kosovën në të gjitha mënyrat.

“Ne folëm këtë mëngjes për sigurinë dhe rëndësinë e kontributin që mund të japim në këtë drejtim, duke pasur parasysh edhe rolin e madh që kemi në kuadër të KFOR-it. Jemi këtu që t’iu suportojmë, t’iu promovojmë dhe t’iu ndihmojmë në çdo mënyrë që ne mundemi. Keni pasur sfida të forta në korrupsion, por sfida kryesore është për të ndërtuar një shtet i cili është i sigurt për të gjitha komunitetet. Faleminderit për të gjitha diskutimet, do të ndihmojmë juve për njohjen e juaj në të gjitha shtetet. Ne ju suportojmë juve”, tha ai.

Në anën tjetër, ministrja Gërvalla, ka thënë se Perëndimi ka qenë gjithnjë i suksesshëm kur ka pasur qëndrim të qartë dhe kur ka vepruar me vendosmëri përballë një Rusie, që ajo e ka konsideruar si agresive.