Eugen Cakolli, ka thënë se duke e ndjekur logjikën dhe praktikën e deritanishme të votimit te të tre nënkryetarëve, votimi për dy nënkryetarët e komuniteteve është dashtë të bëhet në pako.
Ai ka thënë edhe se, nuk mund të ketë dy kandidatë për pozitën e njëjtë të nënkryetarit nga radhët e komuniteteve – serb dhe të tjerëve.
‘‘E drejta e propozimit i takon vetëm shumicës së deputetëve të atij komuniteti’’, ka thënë ai ndër tjerash.
Postimi:
Dy nënkryetarët nga radhët e komuniteteve është dashur të votohen në pako, duke ndjekur logjikën dhe praktikën e deritanishme të votimit të tre nënkryetarëve tjerë.
Po ashtu, nuk mund të ketë dy kandidatë për pozitën e njëjtë të nënkryetarit [nga radhët e komuniteteve – serb dhe të tjerëve]. E drejta e propozimit i takon vetëm shumicës së deputetëve të atij komuniteti.
Megjithatë, edhe nëse pretendohet ndonjë shkelje në këtë proces, kusht për adresimin e saj në Gjykatën Kushtetuese është inicimi nga të paktën 10 deputetë. E sipas përbërjes politike të Kuvendit, në mesin e komunitetit në fjalë, kaq numra mungojnë.
Përtej filmave, procedura është e qartë…
