Konferenca e Lidhjes Demokratike të Kosovës (LDK) e quajtur “Rugova dhe Perëndimi”, ka qenë temë diskutimi në Kosovë.
Për këtë temë është diskutuar të martën në “Pressing” të T7.
Jusuf Buxhovi, historian, që ka bashkëpunuar me Ibrahim Rugovën në LDK-në e viteve të 90’ta, ka thënë se Hamëz Jashari ka qenë nismëtar për themelimin e LDK-së në Skenderaj.
Por, ai ka shtuar se disa njerëz kanë folur shumë fjalë të rënda për të.
Nuk përmendi emra, por shton se dy arkiva i ka deponuar jashtë.
Shton se po të dalin ata emra dhe fjalët e tyre “mund të ketë edhe vrasje”.
“Hamza ka qenë një prej nismëtare të atij procesi të LDK-së në Skenderaj ka dështu për dy vota nuk është pranu. Nuk është problemi i atyre dy votave, është problemi çka kanë fol njerëzit kundër tij aty”.
“Unë i kam ruajt ato, i kam deponu dy arkiva jashtë me shifër, sepse po dalin ato vrahen njerëzit”, ka deklaruar ai.
