- Advertisement -
Kandidati i PDK-së për kryetar, Shukri Buja ka thënë se promovimi i ndërmarrësisë përmes vetëpunësimit, praktikat e punës me pagesë në sektorin privat, programet e aftësimit dhe riaftësimit profesional në partneritet me bizneset, si dhe subvencionimi i pagave për punësimin e të rinjve, janë vetëm disa nga politikat konkrete që do t’i zbatojnë në mandatin e ardhshëm për krijimin e vendeve të reja të punës.
“Këto masa janë arsyeja pse të rinjtë e Lipjanit po na bashkohen çdo ditë e më shumë, duke treguar besimin dhe përkrahjen e tyre si kurrë më parë. Kjo u vërtetua sot në takimin me të rinjtë e qytetit të Lipjanit.
Me rininë tonë në krah, fitorja është e sigurt!”, ka shkruar ai mes tjerash.
