Borxhi i qeverisë britanike u rrit në nivele të papara për më shumë se 60 vjet, pavarësisht huamarrjes më të ulët se sa pritej nga qeveria, sipas të dhënave zyrtare.
Të dhënat, të cilat vijnë vetëm dy javë përpara zgjedhjeve të përgjithshme, nënvizojnë sfidën financiare me të cilën përballet qeveria e ardhshme, me laburistët dhe konservatorët që zotohen të shkurtojnë borxhin.
Zyra për Statistikat Kombëtare (ONS) zbuloi se borxhi neto i sektorit publik si përqindje e PBB-së së Mbretërisë së Bashkuar (produkti i brendshëm bruto) u rrit në 99,8% në muaj.
”Kjo është vlera më e lartë që nga marsi 1961”, tha ONS.
Të dyja partitë laburiste dhe ato konservatore kanë thënë përpara zgjedhjeve se do t’i përmbahen një rregulli fiskal për të ulur raportin e borxhit ndaj PBB-së gjatë pesë viteve të ardhshme.
Kryeministri britanik, Rishi Sunak ka premtuar uljen e borxhit si një nga pesë angazhimet e tij në fillim të vitit 2023.
