Në këtë hapësirë të kufizuar, Sarkozy thuhet se ka vendosur dhjetë fotografi personale në muret e qelisë, duke e dekoruar ambientin sipas mundësive që i jepen.
Pjesa e burgut ku mbahet quhet “VIP” dhe ka strehuar në të kaluarën të burgosur famëkeqë, si Carlos Çakalli.
Sipas gazetës franceze Le Figaro, Sarkozy ka marrë me vete tre libra, numrin maksimal të lejuar për të burgosurit. Në këtë listë përfshihen dy vëllimet e “Kontit Monte Kristo” nga Alexandre Dumas dhe “Biografia e Jezusit” nga Zhan-Kristian Petitfil.
Zgjedhja e “Monte Kristos” nuk është rastësi, protagonisti Edmond Dantes është i burgosur padrejtësisht dhe planifikon hakmarrjen e tij, një vepër simbolike për ata që besojnë se janë dënuar padrejtësisht. Sarkozy, i cili vazhdon të kundërshtojë fajësinë e tij, duket se ndjen një paralelizëm të qartë me këtë histori.
Ndërsa “Biografia e Jezusit” është një qasje historike mbi jetën e Krishtit, larg interpretimeve fetare, një zgjedhje që, sipas komentuesve, balancohet me simbolikën e hakmarrjes së Dumës, duke futur në lojë edhe konceptin e shpëtimit.
Sarkozy, 70 vjeç, është ish-udhëheqësi i parë francez i burgosur që nga koha e Marshallit Filipp Peten, i cili bashkëpunoi me nazistët. “Një njeri i pafajshëm po dërgohet në burg,” ka thënë ai para se të dorëzohej.
Ai ka depozituar tashmë kërkesën për lirimin me kusht, por gjyqtarët mund të marrin deri në dy muaj për ta shqyrtuar atë. Deri atëherë, pritet që Sarkozy të kalojë kohën duke shkruar një libër të ri, siç ka deklaruar vetë.
Burgut La Santé, që funksionon që nga shekulli i 19-të, i është njohur statusi i një prej institucioneve më të rrepta të drejtësisë në Francë, duke strehuar të burgosur me profil të lartë dhe duke siguruar kushte të rrepta sigurie.
