Në thellësitë e një miniere aktive nën Dolomitet në Itali, po punohet për të krijuar një qendër të dhënash dixhitale.
Dhe ajo do të jetë qendra e parë dhe e vetme në Evropë që do të instalohet në një minierë aktive.
I njohur si Trentino DataMine, projekti është një sipërmarrje e përbashkët midis Universitetit të Trentos dhe një grupi të vogël kompanish private, shkruajnë mediat e huaja.
Ajo do të jetë e sigurt nga tërmetet dhe bombat, ndërsa siguria kibernetike do të mbrohet nga padepërtueshmëria e plotë e shkëmbit nga valët elektromagnetike dhe nga përdorimi i niveleve më të larta të teknologjisë në dispozicion, të cilat do të përditësohen vazhdimisht.
Sinergji me industritë lokale
Miniera, në pronësi të kompanisë Tassullo, ka nxjerrë prej kohësh dolomit të përdorur në ndërtim, bujqësi, qeramikë dhe xham.
Ndërsa materiali hiqej, mjedisi i thatë, 12°C, doli të ishte ideal për ruajtje.
Mollët nga rajoni i Trentinos, verërat lokale dhe djathi Trentingrana janë mbajtur të gjitha këtu, ndonjëherë deri në një vit.
Loro shpjegon se ata po mbështeten në bashkëpunimin me të tjerët dhe se ata që kanë nevojë për ngrohje mund të përdorin nxehtësinë e prodhuar nga serverat në funksion, ndërsa ata që kanë nevojë për sisteme ftohjeje mund të përfitojnë nga ftohja e përdorur në procese të tjera.
“Jemi shumë të lumtur që kjo qendër të dhënash ka një jetë së bashku me iniciativa të tjera – ruajtjen e mollëve, verës, djathit – dhe presim me padurim të tjera, sepse po mbështetemi në sinergji. Ata që kanë nevojë për ngrohje mund të përdorin nxehtësinë që prodhojmë”.
Siç bëhet e ditur më tej, rreth 60 punëtorë po shtrojnë 50 kilometra kabllo elektrike dhe me fibra optike dhe tre kilometra tuba.
Aty janë instaluar sisteme ventilimi dhe gjeneratorë energjie, megjithëse pjesa më e madhe e ftohjes vjen natyrshëm nga temperatura konstante 12°C e minierës.
Atje, përafërsisht 80 përqind e objektit është nën tokë, ndërsa pjesa tjetër është e dedikuar për zyra, siguri dhe zona pritjeje.
Ndërkohë kabinetet për të mbajtur serverat janë tashmë në vend dhe pritet të jenë funksionale deri në dhjetor
