Janë vërë 13 vjet prej se Gjykata Ndërkombëtare për Krime Lufte në ish-Jugosllavi, ka shpallur të pafajshëm Ramush Haradinajn, Lahi Brahimaj dhe Idriz Balaj.
Në këtë përvjetor Lahi Brahimaj teksa flet për përballjen me akuza që nga 9 marsi i 2005 e deri më 29 nëntor 2012, kujton edhe ish-bashkëluftëtarët e tij të cilët po mbahen në Hagë.
Ai uron që shumë shpejt dhe ish-krerët e UÇK-së të dalin fitimtarë.
“Sot, në këtë ditë përkujtimi dhe krenarie, shënojmë 13-vjetorin e fitores së drejtësisë ndaj padrejtësive. Pas një procesi të padrejtë e maratonik, që nga 9 marsi 2005 kur u vetëdorëzuam në Hagë – Ramush Haradinaj, Lahi Brahimaj dhe Idriz Bala – e deri më 29 nëntor 2012, u dëshmua e vërteta e luftës sonë të drejtë. Edhe sot bashkëluftëtarët tanë po përballen me sfida të njëjta në Hagë. Me krenari, besim dhe respekt të thellë, uroj që shumë shpejt edhe ata të dalin fitimtarë, duke nderuar vlerat dhe sakrificën e UÇK-së”, ka shkruar Brahimaj.
Avokati i Ramush Haradinajt ishte Ben Emerson, i cili në një konferencë për mediat pati deklaruar se ish-prokurorja e Gjykatës së Hagës, Carla Del Ponte duhet t’i kërkojë falje Ramush Haradinajt.
