- Advertisement -
Ish-ambasadori i Holandës në Kosovë, Robert Bosch, ka thënë se Holanda do ta mbështesë liberalizimin e vizave dhe anëtarësimin e Kosovës në Këshillin e Evropës.
Ai këtë e ka deklaruar në Facebookun e tij, teksa ka njoftuar për një takim që ka pasur të shtunën me Kongresin e Demokristianëve të Holandës.
“Kongresi i sotëm i Kristian Demokratëve Holandez. Lajm i mirë për Kosovën. Holanda mbështet lirinë e vizave dhe anëtarësimin në KE! Vetë CDA dëshiron të bashkojë njerëzit dhe të jetë një forcë moderuese në Holandë dhe dëshiron të luftojë egoizmin dhe të shkojë drejt bashkimit”, ka deklaruar ai në Facebook.
Holanda, në mesin e disa shteteve, ka qenë skeptike për sa i përket çështjes së liberalizimit të vizave.
