- Advertisement -
Shefi i Politikës së Jashtme të Bashkimit Evropian, Josep Borrell, ka kërkuar përgjegjësi për siç e ka quajtur ai krimin e shkaktuar në një spital në Gaza, ku raportohet se u vranë rreth 500 civilë të pafajshëm.
Përmes platformës X, Borrell ka shkruar se ky sulm i shton tmerrin siç ka thënë ai tragjedisë që po shpaloset para syve të BE-së prej ditësh.
“Lajmet që vijnë nga spitali Baptist Al-Ahli Arabi në Gaza i shtojnë tmerrin tragjedisë që po shpaloset para syve tanë prej ditësh.
Edhe një herë, civilët e pafajshëm paguajnë çmimin më të lartë. Përgjegjësia për këtë krim duhet të përcaktohet qartë dhe autorët të mbahen përgjegjës”, ka shkruar Borrell në X.
