Ish-kryeministri i Britanisë së Madhe, Boris Johnson, ka treguar se ka përdorur injeksione për humbje peshe të quajtura Semaglutide, në përpjekje për të hequr peshën e tepër trupore në vitet e fundit, raporton Skynews.
Pas shtrimit të tij në spital me COVID-19 më 2020, Johnson pranoi se ishte “shumë i shëndoshë” dhe filloi luftën kundër obezitetit.
Tani, ai ka shpjeguar se i ishte përshkruar ilaçi në përpjekje për ta larguar urinë dhe për të humbur peshë.
Johnson thotë se ishte frymëzuar nga kolegët ministrorë, të cilët ishin bërë më të hollë duke e përdorur këtë hormon.
Pasi mori injeksione javore, politikani thotë se filloi të humbiste “katër ose pesë kilogramë në javë”. Por ai filloi t’i “frikësohej injeksionit” dhe filloi të villte – për çka ai ia atribuon udhëtimeve të tepërta që bënte dhe ndryshimit të zonave të kohës.
Johnson shpjegoi në rubrikën e tij në Daily Mail se tani i është kthyer “ushtrimeve dhe vullnetit” në veprimet e tij për ta ndryshuar fizikun.
