Në lagjen Muzliaj të Istogut, të shtunën është bërë zhvarrosja e dëshmorit Arton Zogaj.
Në këtë proces, në varrin e tij janë gjetur edhe dy granata dore, dhe është përcjellur me emocione të forta tek familjarët dhe bashkëluftëtarët e tij.
Për këtë moment ka folur gazetarja Altiana Zogaj, njëkohësisht mbesa e tij, në emisionin “Ora 7” në Klan Kosova.
Ajo ka përshkruar me emocione të mëdha përjetimin e familjes gjatë zhvarrosjes, duke theksuar se ishte një moment i rëndë dhe i ngarkuar emocionalisht për të gjithë, veçanërisht për gjyshin e saj, transmeton Klankosova.tv.
“Ka qenë një moment shumë i vështirë. Për herë të parë, babi ndoshta me dyshim, hezitoi t’i afrohet ta shoh trupin e tij, sepse në kujtesën e tij ai mbetet 19-vjeçari trimi që ishte nisur për luftë. Ishte e dhimbshme për të gjithë, sidomos për gjyshin”, rrëfeu Altiana.
Ajo gjithashtu theksoi se kjo është hera e dytë që bëhet zhvarrosja e trupit të axhës së saj.
Ndiqni intervistën e plotë, në videon e mëposhtme:
