Bogdanoviq me një paralajmërim: Do të tronditet publiku kur t’i publikoj videot, audiot dhe fotografitë që kam për Vuçiqin

Politikani serb, Boban Bogdanoviq, i njohur për dashamirës dhe avokues të shtetit të pavarur të Kosovës në mesin e serbëve të Kosovës, ka paralajmëruar se do të publikohen dokumente kundër presidenti serb Vuçiq.

Përmes një postimi në X, Bogdanoviq ka thënë se me videot, regjistrime audio, fotografit dhe dokumentet e shkruara që posedon do të tronditë publikun.

“Ky njeri (kumbari im) 6 muaj para vdekjes së tij (vrasjes), më dhanë për ruajtje video, regjistrime audio, fotografi dhe dokumente të shkruara që do të tronditin publikun botëror kur të publikohen në filmin dokumentar anglez për @avucic “Rise of a Balkan evil”, shkroi ai.