Policia serbe është mobilizuar në kërkim të të dyshuarit për vrasjen e policit serb, nga Kosova të cilin ministri i Punëve të Brendshme i Serbisë, Ivica Daçiq e quajti autor të vrasjes së një polici dhe plagosjes së një tjetri në Loznicë të Serbisë, në kufi me Bosnjë e Hercegovinën.
“Bllokadë e plotë, gjendje rrethimi; Policia me armë të gjata dhe jelek antiplumb; Vijojnë kërkimet për të dyshuarin shqiptar”, shkruan B92.
Forca të shumta policore janë vënë intensivisht në kërkim të kosovarit, raportojnë mediat në Beograd.
Xhandarmëria serbe është parë duke shkuar drejt Loznicës, sipas disa pamje të publikuara në Danas.
U raportua se edhe Drejtoria e Policisë Kriminale, Drejtoria e Policisë Kufitare dhe pjesëtarët e Njësisë Speciale Antiterroriste serbe kanë dalë në terren e se janë ngritur dronë dhe helikopterë në kërkim të 33-vjeçarit.
