Tabakun e lanë, e të dielën rrokën lopatat.
Me çizme e karroca punonjësit e bareve në sheshin e Pejës, po largojnë baltën që la shiu i rrufeshëm i një nate më parë, raporton Klan Kosova.
Pas dëmtimeve që ende nuk dihen sa janë, nisi pastrimi për çka asistuan edhe bizneset private si “Comodita Home” e “Devolli Corporation”.
U baltos edhe sheshi e nga nxitimi për të shpëtuar, dikush harroi edhe karrocat e fëmijëve.
Hiç më mirë nuk shpëtuan as dyqanet në pjesët tjera, e këso të reshura s’mbahen mend.
Komunën për intervenim s’e priti as një 78-vjeçare.
E pronarët këtu e dinë problemin pse i mori uji.
Komunarët premtojnë se do angazhohen që të kompensojnë dëmet me aq sa kanë mundësi.
Pas dëmeve që u shkaktuan nëpër shtëpitë e ekonomitë e tyre, tani pejanët lutën që vërshime të tilla të mos përsëriten më.
