Gjatë ditë së djeshme, Qeveria morri një vendim të ri në lidhje me targat ilegale në Kosovë.
Ky vendim i ri i qeverisë do të përbehet nga tri faza, ku e para dhe e dyta siç ka thënë kryeministri Kurti, do të përbehen nga qortime dhe gjoba për ata që do të kenë targa ilegale, shkruan lajmi.net.
Rreth kësaj, është deklaruar edhe zëvendëskryeministri i Kosovës, Besnik Bislimi, i cili ka thënë se shpreson që ky proces të përfundojë pa ndonjë incident.
Po ashtu, njeriu dy i qeverisë ka deklaruar se, shuma e gjobës për ata që posedojnë targat ilegale do të jetë 150 euro.
“Nese s’jam gabim shuma e gjobës do të jetë 150 euro. Shpresojmë që ky proces të përfundohet pa ndonjë incident deri më 21 prill të vitit 2023”, ka thënë Bislimi.
Përndryshe, Departamenti amerikan i Shtetit, pavarësisht vendimit të ri të qeverisë, ka kërkuar që të ketë shtyrje të afatit për targa, pa konfiskime e gjoba.
