Zëvendëskryeministri Besnik Bislimi ka pritur në takim të ngarkuarin me Punë në Ambasadën e Malit të Zi për Kosovë, Bernard Çobaj.
Mundësitë për thellimin e bashkëpunimit mes dy vendeve ishin temë diskutimi, njofton ZKM, transmeton Scanner.
“Përparimi i dy vendeve përforcohet përmes dhe fuqizimit të bashkëpunimit” tha zëvendëskryeministri Bislimi, në kuadër të rrugëtimit të vendeve tona drejt Bashkimit Evropian.
Po ashtu , u bisedua dhe mbi marrëdhëniet bilaterale dhe për bashkëpunimin e fuqizuar përmes marrëveshjeve e projekteve që prekin infrastrukturën lidhëse mes dy shteteve, por edhe fushën e ekonomisë e turizmit.
Çobaj foli mbi angazhimin e përkushtimin e tij në rritjen e bashkëpunimit, ku veçoi posaçërisht dhe aktivitetet kulturore të zhvilluara së fundmi në ndërveprim mes palëve.
