Zëvendëskryeministri i Kosovës, Besnik Bislimi, ka reaguar pasi Serbia ka ulur buxhetin për Këshillin Kombëtar Shqiptar në Luginën e Preshevës, duke thënë se ky veprim është një spastrim etnik.
Bislimi thotë se shqiptarët në Serbi janë pakicia më e diskiriminuar në Evropë dhe veprimet e Serbisë, sipas Bislimit, BE-ja nuk po i sheh si të njëanshme.
“Kështu duket pakica më e diskriminuar në Evropë. Spastrimi etnik përmes metodave administrative. tash po vazhdohet edhe me shkurtimin e buxhetit të Këshillit Kombëtar Shqiptar. Por ndoshta BE-ja ende nuk e sheh këtë si një akt të njëanshëm të Serbisë.” – ka shkruar ai në rrjetin social “X”.
“Prandaj, nuk ka nevojë për përshtatje dhe asnjë shqetësim për implikimet për popullsinë shqiptare. Kosova denoncon padrejtësinë e Serbisë ndaj shqiptarëve në Luginën e Preshevës. Ne qëndrojmë të fortë dhe të vendosur për të luftuar për barazi dhe trajtim të drejtë.” – ka shkruar ndër të tjera.
