Julian Nagelsmann (36) do të jetë trajneri i ri i Gjermanisë, pretendon Bild.
Nagelsmann do të pasojë Hansi Flick, dhe kjo do të jetë puna e tij e re pasi u shkarkua nga Bayern në mars. Në karrierën e tij, Nagelsmann ka drejtuar Hoffenheim, RB Leipzig dhe Bayern dhe tani do të jetë trajner i një ekipi kombëtar për herë të parë.
Në pritje të konfirmimit
Ai pritet të fitojë rreth katër milionë euro në vit. Ai pritet ta drejtojë Gjermaninë në Kampionatin Evropian të vitit 2024, ku pritshmëritë nga gjermanët mikpritës janë të mëdha, pavarësisht krizës së lojës dhe rezultateve së fundmi. Nagelsmann fitoi Bundesligën dhe dy Superkupa me Bayernin dhe fitoi një kupë vendase me Leipzig./