Bideni mes tjerash tha se ShBA-ja e mirëpret mbështetjen e Serbisë për propozimin e BE-së për normalizimin e marrëdhënieve me Kosovës.
“Në emër të popullit të Shteteve të Bashkuara, ju dërgoj urime të sinqerta juve dhe popullit të Serbisë me rastin e Ditës Kombëtare që ju festoni më 15 shkurt. Gjatë viteve të fundit, Serbia dhe Shtetet e Bashkuara kanë punuar së bashku për të diversifikuar burimet e energjisë dhe për të forcuar bashkëpunimin ekonomik, duke krijuar një të ardhme më të mirë për qytetarët tanë. Së bashku ne duhet të vazhdojmë të mbështesim popullin e Ukrainës dhe të mbajmë Rusinë përgjegjëse për luftën e saj të padrejtë dhe të paprovokuar kundër Ukrainës”.
“Ne mirëpresim mbështetjen tuaj për propozimin e Bashkimit Evropian për normalizimin, i cili do të kontribuojë në krijimin e një të ardhmeje më paqësore dhe të begatë për rajonin. Pres me padurim forcimin e mëtejshëm të partneritetit të vendeve tona dhe miqësisë së popujve tanë”, thuhet në letrën e Bidenit, dërguar Vuçiqit, shkruan “Beta”.
Kujtojmë se Serbia është ndër vendet e vetme në Evropë që nuk ka vendosur sanksione kundër Rusisë dhe nuk e ka dënuar agresionin rus në Ukrainë, gjë të cilën shtetet perëndimore i kanë kërkuar asaj vazhdimisht ta bëjë.
