Presidenti i Shteteve të Bashkuara Joe Biden tha se do të konsideronte tërheqjen nga gara presidenciale nëse do të shfaqeshin probleme me “gjendjen mjekësore”, raporton New York Times.
Biden u pyet nëse kishte ndonjë arsye që do ta bënte atë të rishikonte qëndrimin në garën presidenciale.
Në përgjigje, Biden tha: “Nëse do të shfaqej ndonjë problem shëndetësor, nëse dikush, nëse doktorët do të vinin tek unë dhe do të më thonin, keni këtë dhe atë problem.”
Në fillim të këtij muaji, Biden tha gjatë një interviste me prezantuesin e ABC-së, George Stephanopoulos, se ai do të tërhiqej nga gara vetëm nëse “Zoti i Plotfuqishëm” i thoshte që ta bënte këtë.
Komentet e Biden vijnë mes thirrjeve në rritje nga demokratët për të tërhequr ofertën e tij për rizgjedhje për shqetësimet e moshës dhe kompetencës së tij mendore, veçanërisht pas performancës së tij të dobët në debat kundër Donald Trump.
Përfaqësuesi Adam Schiff i Kalifornisë tha se Presidenti Biden duhet t’i japë fund fushatës së tij. Zoti Biden “ka qenë një nga presidentët më të rëndësishëm në historinë e kombit tonë dhe shërbimi i tij jetësor si senator, zëvendëspresident dhe tani si president e ka bërë vendin tonë më të mirë,” tha zoti Schiff në një deklaratë, shkruan NYT.
Por, tha ai, “një presidencë e dytë e Trump do të minojë vetë themelin e demokracisë sonë dhe unë kam shqetësime serioze nëse presidenti mund ta mposht Donald Trumpin në nëntor”.
