Presidenti i Shteteve të Bashkuara të Amerikës, Joe Biden, këtë të shtunë do të takohet me homologun e tij polak, Andrzej Duda, për të diskutuar në lidhje me krizën e refugjatëve, që erdhi si rezultat i luftës në Ukrainë.
Biden gjithashtu do të takohet edhe me refugjatët ukrainas, teksa menjëherë pas kthimit në Washington, siç ka thënë Shtëpia e Bardhë, Biden do ta mbajë një konferencë ku do ta thotë “fjalën kryesore”
Biden gjatë javës ka qëndruar në kryeqytetin evropian, Bruksel, ku bisedoi me aleatët kryesorë të ShBA-ve rreth sanksioneve globale ndaj Rusisë si shkak i luftës.
Udhëtimi i tij do të përfundojë pikërisht në Poloni, ku çështjet e sigurisë dhe kriza humanitare janë në qendër të diskutimit, shkruan CNN, transmeton Klankosova.tv.
Gjatë javës, Biden ka bërë të ditura edhe sanksionet e reja kundër anëtarëve të parlamentit rus, tha se ShBA-të do të pranojnë 100 mijë refugjatë ukrainas dhe foli me liderë botërorë se si do të përgjigjet bota në rast se Rusia përdorë armë kimike, biologjike ose bërthamore gjatë luftës.
