Presidentit amerikan Joe Biden i është hequr një pjesë potencialisht kanceroze e lëkurës muajin e kaluar gjatë një kontrolli rutinë shëndetësor, ka thënë Shtëpia e Bardhë.
I gjithë indi kanceroz u hoq dhe nuk kërkohet trajtim i mëtejshëm, tha mjeku i Biden, shkruan BBC.
Biden do të vazhdojë mbikëqyrjen dermatologjike si pjesë e kujdesit të tij shëndetësor të vazhdueshëm, shtoi mjeku.
Presidenti amerikan kishte një ekzaminim fizik në shkurt, për të cilin Shtëpia e Bardhë tha se e gjeti atë të shëndetshëm dhe “të aftë për detyrën”.
Kevin O’Connor, mjeku i Joe Biden, shkroi në një shënim të dhënë për mediat të premten se lezioni u hoq nga gjoksi i Biden më 16 shkurt në Qendrën Mjekësore Ushtarake Kombëtare Walter Reed jashtë Uashington DC.
“Nuk kërkohet trajtim i mëtejshëm,” tha ai, duke shtuar se zona është “shëruar mirë” që nga marrja e biopsisë.
