Dega e LDK-së në Dragash ka mbajtur sot Kuvendin Zgjedhor, me ç’rast kryetar është zgjedhur Bexhet Xheladini.
Sipas njoftimit të LDK-së, zgjedhja e Xheladini ishte demokratike dhe “rezultat i punës dhe përkushtimit të vazhdueshëm në komunën e Dragashit”.
“Dragashi ka mbyllur me sukses procesin zgjedhor, sot në Kuvendin X Zgjedhor të degës. Gjatë procesit janë përfshirë mbi 750 qytetarë dhe veprimtarë të LDK-së, të cilët ia besuan drejtimin e degës Dr. Bexhet Xheladinit, kryetarit aktual të komunës së Dragashit. Zgjedhja e kryetarit të ri të LDK-së në Dragash, Bexhet Xheladini ishte demokratike dhe rezultat i punës dhe përkushtimit të vazhdueshëm në komunën e Dragashit. Punimet e Kuvendit i ka përshëndetur dhe nënkryetari i LDK-së, Gazmend Muhaxheri njëkohësisht kryetar i komisionit zgjedhor qendror të LDK-së”, thuhet në njoftim.
Tutje theksohet se këtë proces e ka mirëpritur edhe kryetari i LDK-së, Lumir Abdixhiku.
“Kryetari i LDK-së, Lumir Abdixhiku ka mirëpritur Kuvendin Zgjedhor dhe përfundimin e procesit në Drgash sa demokratik aq dhe transparent. Kryetari Abdixhiku falënderon të gjithë veprimtarët e veprimtaret e LDK-së në Dragash që u angazhuan në gjithë procesin duke rikujtuar që na pret rrugëtim i gjatë së bashku. Lidhja Demokratike e Kosovës po vazhdon procesin e saj zgjedhor me angazhim të madh të veprimtarëve, aktivistëve e të rinjve e të rejave të cilët rrugën e re të nisur nga kryetari Abdixhiku po e shfaqin hapur e qartë drejt një angazhimi tjetër të përbashkët për jetë më të mirë në Republikën tonë ashtu siç e duam”, thuhet në LDK-së në Facebook.
