Zyrtari i PDK-së, Betim Gjoshi, i ka reaguar nënkryetares së Kuvendit nga radhët e LV-së, Albulena Haxhiu, e cila ka publikuar një foto të deputetëve të PDK-së pas dështimit të votimit të Qeverisë Konjufca.
Goshi ka thënë se Albulena Haxhiu vraponte nëpër konferenca dhe studio televizive për ta mbrojtur koordinimin e Mimoza Kusari-Lilës në emër të Albin Kurtit me terroristin Milan Radojçiq.
Postimi i plotë në Facebook:
Kjo foto, siç mund të shihet, është publikuar nga Albulena Haxhiu që vraponte nëpër konferenca e studio televizive për të mbrojtur koordinimin në emër të Albin Kurtit të shefes së deputetëve të Vetëvendosjes, Mimoza Kusari – Lilës, me terroristin Milan Radojçiq dhe Listën Serbe.
Ky koordinim në fshehtësi të plotë, nuk do të mund të shlyhet nga historja e Lëvizjes Vetëvendosje dhe e Qeverisë Kurti 2.
PDK nuk koordinohet me Listën Serbe, por koordinimi në prapaskenë është mënyra se si funksionon Vetëvendosje. Ky popull tash iu njeh dhe e din se kush jeni ju.
Sigurisht se PDK është krenare që mund të votojë kundër Qeverisë së një partie, si Vetëvendosje, që ka për qëllim të shkatërrojë shtetin e Kosovës.
Sot është patriotizëm të votosh kundër Vetëvendosjes dhe PDK nuk ia huq kurrë interesit të Kosovës derisa në radhët e saj ka deputetë që kombin shqiptar e kanë mbi gjithçka tjetër.
Në foto:
– Xhevahir Geci
UÇK, Bashkëluftëtar i Adem Jasharit
– Jakup Nura
UÇK, Bashkëluftëar i Adem Jasharit
– Ferat Shala
UÇK
– Elmi Reçica
UÇK
– Rrahman Rama
UÇK dhe komandant i FSK-së
– Rashit Qalaj
UÇK, komandant i Policisë së Kosovës
– Sala Jashari
Mbesa e familjes së Adem Jasharit
– Përparim Gruda
Djali i dëshmorit
– Fadil Demaku
UÇK, Vëllai i dëshmorit dhe dëshmores
– Altin Krasniqi
Djali i Zëdhënësit të UÇK-së
– Mërgim Lushtaku
Djali i komandantit të UÇK-së për Drenicë
– Kosovare Murseli
Vajzë e ushtarit të UÇK-së
– Arbnore Salihu
Vajzë e ushtarit të UÇK-së
