Zyrtari i Partisë Demokratike të Kosovës, Betim Gjoshi, ka reaguar lidhur me parregullsitë e raportuara në procesin zgjedhor, duke theksuar se elementet teknike të fletëvotimeve janë thelbësore për garantimin e integritetit të procesit.
“Detajet e fletëvotimeve, siç janë numrat serikë dhe kodet e vendvotimit, nuk janë detaje të thjeshta që duhet të mos përfillen. Ato janë pjesë përbërse e elementeve që garantojnë integritetin e procesit zgjedhor. Kështu llogariten me të drejtë në rregulloren e KQZ-së për fletëvotimet”, ka deklaruar Gjoshi.
Ai ka shtuar se çdo detaj teknik ka rëndësinë e vet në një proces të ndershëm elektoral, duke kujtuar një rast të mëhershëm nga zgjedhjet lokale në Mitrovicë.
“Dikush mund të pyes ‘e çfarë roli ka në integritetin e procesit zgjedhor mungesa e baterive’? Ju tregoj se pikërisht në vitin 2010 komuna e Mitrovicës ka shkuar në rivotim në mungesë të baterive të llampave ultravjollcë”, ka theksuar ai.
Postimi i plotë:
Detajet e fletëvotimeve, siç janë “numrat serikë” dhe “kodet e vendvotimit”, nuk janë detaje të thjeshta që duhet të mos përfillen. Ato janë pjesë përbërse e elementeve që garantojnë integritetin e procesit zgjedhor. Kështu llogariten me të drejtë në rregulloren e KQZ-së për fletëvotimet.
Dikush mund të pyes “e çfarë roli ka në integritetin e procesit zgjedhor mungesa e baterive”?
Ju tregoj se pikërisht në vitin 2010 komuna e Mitrovicës ka shkuar në rivotim në mungesë të baterive të llampave ultravjollcë.
https://www.facebook.com/share/p/17Srujwyp6/
