Kreu i Partisë Demokratike, Sali Berisha ka deklaruar se sanksioni i tij nga Shtetet e Bashkuara të Amerikës është përgatitur që në vitin 2018-2019.

Sipas Berishës, një vendim i tillë për ta shpallur non grata erdhi pasi ai nuk pranoi të formonte një koalicion me Partinë Socialiste.

Më tej Berisha u shpreh se pret që SHBA ti kërkojë të falur.

“Unë e di që arroganca e atyre që kanë firmosur për non gratën time nuk lejon të kërkosh të falur, por unë kërkoj të më kërkojnë të falur. Unë kam durim,” u shpreh Berisha në Euronews Albania.