Producenti i njohur muzikor, Benny Blanco, ka rrëfyer detaje nga jeta e tij personale në një intervistë për revistën InStyle.
Ai foli për marrëdhënien me këngëtaren Selena Gomez, me të cilën është në lidhje dashurie, duke e përshkruar si “përrallën” e tij personale.
Blanco zbuloi se e kishte njohur Selenën që kur ajo ishte 16 vjeçe, por lidhja e tyre nisi vite më vonë. Ai u shpreh se dëshiron të krijojë familje me të dhe se është i përkushtuar ndaj dashurisë që ndan me këngëtaren.
Në intervistë, artisti komentoi edhe mbi miqësinë e ngushtë mes Gomez dhe Taylor Swift, duke thënë se tashmë është bërë edhe vetë një “Swiftie”.
Blanco foli gjithashtu për sfidat në marrëdhënie, përvojat e vjetra në industrinë muzikore dhe ndikimin e nënës së tij në jetën personale dhe profesionale.
