Supermodelja Bella Hadid dukej sensacionale në Met Gala në fillim të këtij muaji, e veshur me një krijim nga stilisti i Burberry, Riçardo Tisci.
25-vjeçarja është detyruar të sqarojë fansat për një intervistë të dhënë ku shprehej se u bllokua në tapetin e kuq. Adhuruesit menduan fillimisht se ishte korseja e ngushtë shkaktarja, por ajo ka sqaruar se ishte gjendja e ankthit që po i pengonte frymëmarrjen.
“Nuk thashë se u ndjeva keq për shkak të korsesë. U ndjeva keq, jo për korsen, por nga ankthi dhe emocionet e tapetit të kuq. Korset në përgjithësi janë goxha të pakëndshme e të forta për mushkëritë, por korseja ime përshtatej në mënyrë të përkryer”, ka shkruar ajo në rrjetet sociale.
Hadid ka folur shpesh herë në rrjetet sociale për ankthin dhe shëndetin e saj mendor në të kaluarën, duke ndarë me fansat e saj foto në gjendje jo të mirë emocionale.
