Një vendim i ri që hyri në fuqi më 1 prill në Belgjikë, e ndalon ekspozimin e cigareve dhe duhanit në dyqane.
Qëllimi është që të kufizohet deri në maksimum vizibiliteti i cigareve dhe produkteve tjera të varësisë, me shpresën se do të ketë sa më pak blerës të tyre.
Statistikat e qeverisë belge thonë se të paktën dy banorë në vend vdesin në orë nga pasojat e duhanit.
Vendimi i ri ka shqetësuar shitësit në dyqanet e veçanta të duhanit e cigareve.
Qytetarët kanë mendime të ndryshme për ndalimin e ekspozimit të cigareve e duhanit nëpër shitore.
Vendimi i qeverisë thotë se duhani nuk ndalet dhe se të gjitha produktet janë të qasshme, por vetëm kur kërkohen nga blerësit. Sipas ministrit të shëndetësisë, ideja është që kur një konsumator të hyjë në shitore për diçka tjetër, të mos rrëmbehet nga joshja për të blerë duhan e cigare, madje as ato elektronike, nëse i sheh ato.
