- Advertisement -
Deputeti i Partisë Demokratike të Kosovës (PDK), Artan Behrami, ka reaguar lidhur me procesin gjyqësor që po zhvillohet në Hagë ndaj krerëve të Ushtrisë Çlirimtare të Kosovës, duke e cilësuar atë si të padrejtë dhe të njëanshëm.
Behrami ka thënë se salla e gjyqit, që nga fillimi, ka qenë shumë e vogël për të zënë gjithë padrejtësinë dhe pabarazinë ndaj ish-krerëve të UÇK-së.
Ai shton se as Kosova nuk ka qenë e mjaftueshme për të përballuar urrejtjen, manipulimet, intrigat, kërcënimet, shantazhin dhe përndjekjen që, sipas tij, janë zhvilluar nga ana e Gjykatës Speciale.
“Kosova ka qenë shumë e vogël për të zënë gjithë urrejtjen, manipulimet, intrigat, kërcënimet, shantazhin, përndjekjen që ka zhvilluar Gjykata Speciale. Por, në fund, ky do të jetë triumfi më i madh i drejtësisë mbi padrejtësinë! Historia nuk ndryshohet”.
