Behrami: Kundër njerëzve të UÇK-së Albin Kurti gjithmonë është i gatshëm të dëshmojë në gjykatë Lajmi në koment

Sot u mbajt seanca gjyqësore për postimin, që po cilësohet si kërcënues, të Faton Klinakut karshi kryeministrit në detyrë, Albin Kurti.

Paraqitja e Kurtit në seancë në Gjykatën Themelore çuditi shumëkë.

Në lidhje me paraqitjen e Kurtit, ka reaguar deputeti i PDK-së, Artan Behrami, i cili ka thënë se Kurti është gjithmonë i gatshëm të dëshmojë në gjykatë kundër njerëzve të UÇK-së.

“Kundër njerëzve të UÇK-së, Albin Kurti gjithmonë është i gatshëm të dëshmojë në gjykatë Për afera korruptive, për të amnistuar krimet ekonomike, nuk i përgjigjet drejtësisë!”, shkroi Behrami, duke aluduar në lidhje me skandalin e rezervave shtetërore, ku kryeministri në detyrë po refuzon të shkoj të dëshmoj në Prokurorinë Speciale.