Behrami akuzon Kurtin për vizitat e shpeshta “në qendra ku dyshohet për devijim të vullnetit të qytetarëve”

Valon Behrami nga PDK në Mitrovicë ka folur për dyshimet për manipulim me vota në këtë komunë.

Ai në “Edicionin Special” në Klan Kosova ka thënë se këtyre u kanë paraprirë vizitat e shpeshta të zyrtarëve qeveritar, siç u shpreh ai, në krye me Albin Kurtin.

“Ne mendojmë që veprimeve që lëndojnë procesin zgjedhor në Mitrovicë, veçmas në Mitrovicë, u kanë paraprirë edhe vizitat e shpeshta, të panevojshme, konsideroj, të zyrtarëve qeveritar, në krye me Albin Kurtin”.

“Sidomos vizitat e tij të shpeshta, pikërisht nëpër qendra ku dyshohet që ka pasur devijim të vullnetit të qytetarëve”, u shpreh Behrami.