Begaj: Shqipëria mbetet aleate e fortë dhe e besueshme e ShBA-së

Presidenti i Shqipërisë, Bajram Begaj ka thënë se ishte kënaqësi të takohesha me zv. Ndihmës Sekretarin e Shtetit të SHBA-së, Gabriel Escobar.

Ky takim është zhvilluar në Nju York, ku po mbahet sesioni i 78-të i Asamblesë së Kombeve të Bashkuara.

Begaj përmes një postimi në Facebook, ka thënë se partneriteti i Shqipërisë me SHBA-në është i pa lëkundur në angazhimin për paqe dhe siguri në botë .

“Shqipëria mbetet një aleate e fortë dhe e besueshme e SHBA-së në Ballkanin Perëndimor, duke kontribuar aktivisht në sigurinë dhe stabilitetin rajonal”, ka thënë Begaj.