- Advertisement -
Presidenti i Shqipërisë, Bajram Begaj, ka zhvilluar mbrëmjen e sotme ceremoninë e pritjes së përfaqësuesve të Trupit Diplomatik në Shqipëri.
Begaj gjatë fjalës së tij u shpreh se shqiptarët janë një popull me shumë cilësi dhe se çdo mirëkuptimi i përgjigjen me mirëkuptim.
Gjithashtu theksoi se “sakrifica e shqiptarëve të Kosovës nuk mund të harrohet”, raporton Report-TV.
Në fjalën e tij, Presidenti Begaj shprehu mirënjohjen për ndihmën që aleatët dhanë në sulmet kibernetike.
Kreu i shtetit shqiptar u ndal edhe në tensionet e krijuara disa javë më parë në Kosovë duke thënë se “vendi ynë është i ndjeshëm, por i matur ndaj provokimeve në Ballkan”.
Para ambasadorëve, Begaj e quajti Shqipërinë faktor paqeje në rajon.
