Bedri Hamza ka reaguar pas lirimit me kusht të Bashkim Smakajt, Fadil Fazliut dhe Haxhi Shalës, duke e cilësuar këtë vendim si një lajm të gëzueshëm për familjet e tyre dhe për të gjithë ata që besojnë në pafajësinë e çlirimtarëve të Ushtrisë Çlirimtare të Kosovës.
Megjithatë, Hamza ka theksuar se ky gëzim mbetet i mangët, pasi në Hagë vazhdojnë të mbahen padrejtësisht edhe çlirimtarë të tjerë. Sipas tij, përderisa edhe një i vetëm prej tyre nuk është kthyer në shtëpi, drejtësia nuk mund të konsiderohet e plotë.
Ai ka rikujtuar se lufta e UÇK-së ka qenë e drejtë, e pastër dhe çlirimtare, e udhëhequr nga ideali i lirisë dhe nga mbrojtja e popullit të Kosovës.
Postimi i plotê:
Më në fund erdhi një lajm i mirë. Lirimi me kusht i Bashkim Smakajt, Fadil Fazliut dhe Haxhi Shalës është një lajm i gëzueshëm për familjet e tyre dhe për të gjithë ne që besojmë në pafajësinë e çlirimtarëve tanë.
Megjithatë, ky gëzim nuk është i plotë, as për ta e as për ne. Në Hagë po vazhdojnë të mbahen padrejtësisht edhe çlirimtarë të tjerë. Dhe përderisa edhe një i vetëm prej tyre nuk është kthyer në shtëpi, drejtësia mbetet e mangët.
Lufta e UÇK-së ka qenë e drejtë, e pastër dhe çlirimtare, e udhëhequr nga ideali i lirisë dhe nga mbrojtja e popullit tonë.
