Këngëtarja shqiptare me famë ndërkombëtare, Bebe Rexha, ka ndarë së fundmi me ndjekësit e saj n2ë Instagram një video të publikuar nga faqja e njohur Fuse TV. Videoja daton nga fillimet e karrierës së saj dhe e tregon Rexhën në një pamje krejtësisht të ndryshme nga ajo që njohim sot.
Në këtë video, Bebe Rexha shkëlqen me flokët e saj të zeza dhe një trup shumë më të dobët se sa ajo që ka sot. Interpretuesja e hitit “Me, Myself and I” shfaqet me një energji rinore dhe një vendosmëri të pashoqe për të arritur suksesin në botën e muzikës.
Gjatë videos, ajo dëgjohet duke thënë: “Mendoj se mënyra e vetme se si mund të ndihmoj njerëzit është realisht të jem një super yll”.
Kjo deklaratë e fuqishme është publikuar nga faqja Fuse TV si diçka e thënë nga një virgjereshë në horoskop, duke theksuar kështu vetëbesimin dhe fuqinë e kësaj shenje për të arritur qëllimet e tyre në jetë.
Rishpërndarja e kësaj videoje nga Bebe Rexha tregon jo vetëm rrugëtimin e saj të gjatë dhe të suksesshëm në industrinë e muzikës, por edhe natyrën e saj modeste dhe të përkushtuar për të ndihmuar të tjerët përmes artit të saj.
Foto: Bebe Rexha/Instagram
Fansat e saj janë mahnitur nga kjo kujtesë e së kaluarës dhe kanë shprehur mbështetjen dhe admirimin e tyre për këngëtaren.
Ndërkohë që kohët kanë ndryshuar, një gjë ka mbetur e njëjtë: dëshira e saj e pashoqe për të bërë një ndikim pozitiv në botë përmes muzikës së saj dhe për të qenë një shembull frymëzues për të rinjtë anembanë globit.
