Bashkimi Evropian tha se mirëpret mbajtjen e zgjedhjeve parlamentare dhe presidenciale në Turqi, si dhe daljen e lartë të qytetarëve në zgjedhje. Në komunikatën e publikuar të martën, BE-ja tha se e vlerëson përkushtimin e popullit turk “për të ushtruar të drejtën e tij demokratike për të votuar”.
“Ne vërejmë gjetjet dhe konkluzionet paraprake të Misionit Ndërkombëtar të Vëzhgimit të Zgjedhjeve të OSBE-së dhe Këshillit të Evropës, si dhe u bëjmë thirrje autoriteteve turke t’i adresojnë mangësitë e identifikuara”, thuhet në komunikatë.
Ky institucion, në të cilin nuk është anëtare Turqia, tha se i kushton rëndësi “të madhe nevojës për zgjedhje transparente, gjithëpërfshirëse dhe të besueshme”, në një betejë të barabartë.
Më 28 maj do të mbahet balotazhi për zgjedhjet presidenciale. Kandidati për këtë post, Recep Tayyip Erdogan, doli i pari në këto zgjedhje, por s’i mori votat e nevojshme për të fituar. I dyti u rendit Kemal Kılıçdaroglu.
