BE-ja do ta sanksionojë Kinën nëse kalon “vijën e kuqe”

Bashkimi Evropian do të vendosë sanksione ndaj Kinës nëse armatos Rusinë, sipas një zyrtari të lartë të BE-së.

Kina ka mohuar çdo qëllim për të dërguar armë në Rusi, por shqetësimet janë ngritur midis aleatëve perëndimorë të Ukrainës, duke përfshirë kancelarin gjerman Olaf Scholz, shkruan Skynews.

Dje ai paralajmëroi Pekinin kundër ofrimit të një ndihme të tillë për Moskën, duke thënë: “Mos i dorëzoni asnjë armë Rusisë agresore”.

Kina është partneri kryesor tregtar i Gjermanisë, duke e bërë një linjë të ashpër me Pekinin më pak tërheqës për ta sesa ShBA-ja, por qëndrimet duket se po ndryshojnë brenda BE-së.

Kancelari Scholz dhe presidenti amerikan, Joe Biden, pritet të diskutojnë për Kinën dhe konfliktin.