Bayern Munich raportohet se dëshiron ta mbajë në skuadër Alphonso Davies të paktën edhe në sezonin që do të nis pas pak ditësh.

Lojtari ishte cak i gjigantit spanjoll, Real Madrid, por sipas medieve gjermane, ‘Los Blancos’ kanë hequr dorë nga ylli i ‘Bavarezëve’.

Gazetari i ‘Sky Deutschland’ Florian Plettenberg raporton se Bayern Munich nuk pret ofertë nga Real Madridi për Davies gjatë muajit gusht.

“Bayerni po planifikon ta mbajë Davies edhe për këtë sezon. Plani i ‘Bavarezëve’ është nëse performancat e lojtarit  përmirësohen nën drejtimin e Vincent Kompany, atëherë Bayern do të përmirësojë ofertën e tyre për zgjatjen e kontratës në muajt e ardhshëm”, ka shkruar Plettenberg.

“Përndryshe, në verën e vitit 2025 është i mundshëm transferimi i lojtarit tek Real Madridi”, ka shkruar gazetari Plettenberg.