Bayern Munich ka shënuar fitore të thellë në udhëtim te Bochumi, në kuadër të xhiros së tetë në Bundesliga.
Pas humbjes nga Barcelona, “Bavarezzët” u këndellen menjëherë duke triumfuar me rezultat 0:5 te Bochumi.
Michael Olise me një supergol nga gjuajtja e lirë e kaloi Bayernin në epërsi (16’).
Jamal Musiala pastaj u përkujdes për ta dyfishuar epërsinë pas asistimit të Joshua Kimmich (26’).
Bayern Munichu vazhdoi me të njëjtin ritëm, ku Harry Kane e realizoi golin e tretë pas një asistimit të Musialas (58’).
Vetëm shtatë minuta më vonë Leroy Sane me një eurogol nga distanca e dërgoi rezultatin në 0:4 (65’).
Ndërsa, ishte Kingslay Coman që e vulosi fitoren pas asistimit të Alphonso Davies (71’).
Bayerni mbetet lider në Bundesliga me 20 pikë, aq sa ka Leipzigu ndërsa Bochum renditet në pozitën e fundit me një sosh.
