- Advertisement -
Xherdan Shaqiri ka zhvilluar tjetër ndeshje të madhe, ndërsa Baseli ka bërë vend në finale të Kupës së Zvicrës.
Të dielën pasdite në gjysmëfinale, Baseli fitoi 3:2 ndaj Lausannes. Ndeshja u vendos pas dy vazhdimeve nga 15 minuta.
Shaqiri ishte pjesë e aksioneve në golin e parë dhe të dytë të Baselit. Baseli dy herë u kthye nga disavantazhi, ndërsa golin e fitores e shënoi në minutën e 110-të.
Shaqiri, Albian Ajeti dhe Leon Avdullahu startuan te Baseli.
Alban Ajdini ishte zëvendësues te Lausanne. Në finale, më 1 qershor në Bernë, Baseli përballet me skuadrën Biel-Bienne, që garon në kategorinë e tretë.
