Baraliu: Partitë kanë përkrahje financiare nga donatorë të ndryshëm, s’janë mjaftueshëm transparente

Profesori universitar, Mazllum Baraliu, ka thënë partitë politike në Kosovë kanë përkrahje nga donatorë të ndryshëm.

Ai në Tëvë 1 tha se këto parti nuk janë mjaftueshëm transparente në lidhje me deklarimin e raporteve financiare.

Sipas tij këto parti janë të detyruara që ta ta bëjnë një deklarim të tillë.

“Sa i përket financimit, ai bëhet edhe me kontribute, por të gjitha partitë politike kanë përkrahje nga donacione të ndryshme…duhet që të jenë transparente në frymën e ligjit. Fatkeqësisht pothuajse asnjëherë ose nuk bëhen fare transparente raportet financiare që subjektet politike janë të detyruara ta bëjnë…”, ka thënë ai.