Ballkani ka mposhtur rivalin direkt Llapin, derisa Malisheva arkëtoi pikët e plota te Liria e Prizrenit, në kuadër të xhiros së tetë në Superligën e Kosovës.
“Xhebrailat” fituan derbin ndaj Llapit me rezultat të ngushtë 2:1.
Derbi ishte shumë interesant nga minuta e parë, me dy skuadrat që kishin raste të shumta por nuk arritën t’i finalizonin.
Nazmi Gripshi me një gol të bukur i dha epërsinë Ballkanit (35’), rezultat me të cilin përfundoi pjesa e parë.
Ndërsa, sulmuesi Almir Kryeziu dyfishoi epërsinë në fillimin e pjesës së dytë për të qetësuar tifozët e pranishëm në stadium (47’).
E tëra që bëri Llapi ishte goli i nderit, i realizuar nga Gashjani pas një aksioni të shpejtë (75’).
Me këtë fitore, Llapi merr liderin me 19 pikë derisa Llapi bie në vendin e dytë me 16 sosh.
Në anën tjetër, Malisheva triumfoi në udhëtim te Liria e Prizrenit me rezultat minimal 0:1.
Golin e vetëm në këtë ndeshje e shënoi Ilir Mustafa nga pika e bardhë (68’).
Pas kësaj fitore, Malisheva renditet në pozitën e katërt me 12 pikë derisa Liria qëndron në vendin e tetë me gjashtë sosh.
